大家好,今次将会分享一下我在Time-Lapse期间所拍到的照片。这次Time-Lapse Project历时两个月才完成,白果已是家常便饭。然后我发现片中出现过三次东望洋灯塔、南湾湖和旧区各两次,看来还有很多地方仍未探索过... 首先看一下影片吧:[Timelapse] Exploring Macau- Summer Project 2014[请以HD观看]
 
自从来到澳门生活,我渐渐爱上了这裏的人情味和文化;喜欢了摄影之后,我更加珍惜这片土地。所以我在7月中成立了这个Blog,希望藉着我的摄影计划-澳门明信片计划,令大家都能看到平时被忽略的澳门美景。 呢一张係我其中一张最爱嘅风景作品。火烧云只係其中一个因素,唔知大家有冇留意到灯塔上面嘅云呢,我就觉得好似一座喷紧烟嘅烟通。配合日出嘅情境,就好似想话比我地听新嘅一日又要开始。将一座古蹟增添一份生气。 呢一个情境係我暑假之中见到最靓嘅日出。由最顶嘅火烧云,到中间嘅橙黄色晨光,再到湖面嘅反射,呢个时候我不禁叹气,点解我净係得一部影紧Time-Lapse嘅相机,我想影全景啊......拍摄嘅原因係我发觉自己好耐冇影过晴天,因为呢个暑假我不断追日出日落,所以就突然影左一下(笑然后就到澳门大学新校区。呢一日又係遗憾嘅一日,影到一半发现我背后嘅天空已经被染红,唯独我影紧嘅地方只有小小嘅地光陪衬。呢到就係交通非常繁忙嘅中区啦。望下左上角嘅厚云,呢一日其实个天係落紧毛毛雨,但係反而因为咁,日落嘅光线同云层嘅变化更加特别。从呢个角度可以睇到半个南湾湖,右边係车轨(夜晚),左边係龙舟(湖面);Time-Lapse之下就更加清楚了。呢一张相充满对比。有动态嘅车轨同静止嘅车;有起好嘅酒店同工程进行中嘅建筑物。我地依家见到嘅旧区已经越来越多新式嘅高楼大厦落成,同原本嘅社区形成强烈嘅落差。究竟係咪好事呢?另一日去左差唔多嘅地方影旧区日落,而我最期待嘅画面亦都出现左,仲要係火烧云加地光,非常壮观。我谂见过澳门蛋日出嘅人少之有少,毕竟交通不便加上未开门。于是我就计划去睇下到底係点,可惜嘅係果日好大尘,食左半个白果,希望下次天气更好。传统与科学,文化上完全唔一样嘅野竟然可以起得咁近,可以睇得出澳门有几咁中西交融。我觉得观音像同科学馆虽然都係新建筑,但係两个一齐睇就变得好有意义。最后又係东望洋灯塔啦,呢一日嘅晨光同平时嘅完全唔一样,係金黄色光线,感觉好舒服。Btw,下次要影多啲其他建筑物先得。
最后,这是我在Facebook的个人专页: https://www.facebook.com/shinodaphotoBlog: http://shinodaphoto.blogspot.com/如果喜欢我的相片和影片的话,不妨按个讚吧。Page每天都会更新,内裏会有最新的相片和资讯,谢谢。
上一篇: 下一篇:
随机文章Random article
图文排行Image & Text rank